Kuring Jeung Anjeun

·         Saha ari anjeun

Kuring jeung anjeun teh saha ?

Neangan saha kuring

Neangan saha anjeun

Kuring jeung anjeun teh neangan saha ?

Di mana kuring

Di mana anjeun

Kuring jeung anjeun teh di mana ?

Rek ka mana kuring

Rek ka mana anjeun

Kuring jeung anjeun teh rek ka mana ?

Naha kuring teh anjeun ?

Atawa anjeun teh kuring ?

Beh na mah…

Geuning kuring jeung anjeun teh sarupa, sajiwa, saraga

Tunggal mahluk Nu Murbeng Alam

Ukur darma wawayangan

Usik malik anging kersa manten-Na

Sumerah sadrah anging ka Gusti na

Waluya mun panjeg dina papagon karahayuan,

Karahayuan nu manungga

Manunggal Kresna lan Samiaji