Pangaruh Rupa

·          Keureut peunteu nu baketut jamedud

Tarang ngariut kerejut tungtung bulu halis meh patepung

Teu bisa dibohongan eta tanda paroman nu teu berag nalika nandangan rasa kuciwa

Kontan mapay kana awak asa wararegah rek lumampah sagala seunggah

Beda mun keur meunang kabagja

Biwir seuri manis, imut ngagalenyu, raray bengras cahayaan

Tepa kana awak karasa ngaguligah hararampang

Eta dua hal ka alaman ku sakumna jalma

Teu di kolot teu di budak Nyata tetela pisan 

Rupa Wajah kapangaruhan Ku rasa nu karandapan ku nu jeroeun dada

Cing kumaha mun ayeuna urang diajar malikeun eta kaayaan

Rupa Wajah cena mangaruhan rasa na jeroeun dada

Kira-kirana bisa moal ... ?

  

Biwir seuri nalika manggih ka sedih,

Raray marahmay nalika meunang kuciwa..,

Ngarah sedih jeung kuciwa teu lila nyaliara dina jeroeun dada .. !